Facemos pública a contestacion que desde a Dirección Xeral de Saúde Pública (Subdirección Xeral de Información sobre Saúde e Epidemioloxía) emiten a un escrito do MGSM solicitando a vacinación prioritaria dos residentes e traballadores/as dos Hospitais Psiquiátricos, de media e longa estancia. Describíamos as dificultades que estaban a vivir os residentes desde o inicio da pandemia, que dificultaban os tratamentos e obxectivos de rehabilitación psicosocial, e que se fai máis patente que nunca coa dura realidade que está a padecer o Hospital Psiquiátrico de Conxo , cun gromo en varias das unidades residenciais.

É unha boa nova que vaian a proceder o antes posible á vacinación. Debemos estar atentas á súa consecución.

Desde marzo insistimos nun lema moi significativo, e que estas semanas deixaron evidente: # que ninguén quede atrás.

Chamamos a permanecer alertas ás situacións de risco psicosocial e de saúde ás que se poden ver expostas as persoas con problemas de saúde mental e en situación de maior vulnerabilidade, con demasiada frecuencia esquecidas ou excluidas.

E seguimos….